ឱកាសអាហារូបករណ៍សិក្សានៅប្រទេសហុងគ្រី ចំនួន ៣០ កន្លែង
បេក្ខជនដែលមានបំណងចូលរួមក្នុងកម្មវិធីអាហារូបករណ៍ខាងលើ ត្រូវដាក់ពាក្យតាម Online តាមរយៈគេហទំព័រ https://apply.stipendiumhungaricum.hu/ ឬ www.stipendiumhungaricum.hu ឱ្យបានមុនថ្ងៃទី១៥ ខែ មករា ឆ្នាំ២០២២។ ទន្ទឹមនឹងនឹងនេះបេក្ខជនក៏តម្រូវឱ្យមកចុះឈ្មោះនៅការិយាល័យអាហារូបករណ៍ និងកម្មសិក្សានៃនាយកដ្ឋានទំនាក់ទំនងវប្បធម៌ និងអាហារូបករណ៍អគារលេខ ៨០ មហាវិថីព្រះនរោត្តម (ស្ថិតក្នុងទីស្ដីការក្រសួងអប់រំ យុវជន និងកីឡា) ចាប់ពីថ្ងៃផ្សាយដំណឹងនេះ រហូតដល់ថ្ងៃទី២១ ខែមករា ឆ្នាំ២០២២ វេលាម៉ោង១៦:០០នាទី។
ផ្អែកលើចំនួនបេក្ខជនដែលបានដាក់ពាក្យ ក្រសួងនឹងរៀបចំធ្វើការប្រឡងលើវិញ្ញាសាភាសាអង់គ្លេស និងវប្បធម៌ទូទៅ (សម្រាប់ថ្នាក់ក្រោយឧត្តមសិក្សា) និងវិញ្ញាសាភាសាអង់គ្លេស និងគណិតវិទ្យា (សម្រាប់ថ្នាក់ឧត្តមសិក្សា) ដើម្បីជ្រើសរើសយកបេក្ខជនថ្នាក់ក្រោយឧត្តមសិក្សា (បណ្ឌិតចំនួន០៤ នាក់ និងបរិញ្ញាបត្រជាន់ខ្ពស់ចំនួន១០ នាក់) ថ្នាក់ឧត្តមសិក្សាចំនួន ១០ នាក់ និងបេក្ខជនបម្រុងតាមចំនួនជាក់ស្ដែងដែលបានកំណត់ ជូនភាគីមិត្តពិនិត្យ និងសម្រេចចុងក្រោយ។ កាលបរិច្ឆេទជាក់លាក់ នៃការប្រឡង និងទីកន្លែងប្រឡង និងជម្រាបជូនពេលក្រោយ។
ចំពោះពត៌មានទាក់ទងនឹងលក្ខខណ្ឌនៃការចូលរួមជាបេក្ខជន និងការបំពេញសំណុំឯកសារផ្សេងៗ សូមមើលនៅក្នុងគេហទំព័រខាងលើ។ សម្រាប់ពត័មានបន្ថែម សូមទាក់ទងសាកសួរតាមរយៈទូរស័ព្ទលេខ៖ ០២៣ ២១០៥៥៣ រៀងរាល់ម៉ោងធ្វើការ។
