សេចក្ដីជូន
ដំណឹងស្ដីពីការប្រឡងជ្រើសរើសនិស្សិតអាហារូបករណ៍ ថ្នាក់បរិញ្ញាបត្រជាន់ខ្ពស់និងថ្នាក់បរិញ្ញាបត្រទៅសិក្សានៅសាធារណរដ្ឋប្រជាមានិតចិនក្នុងឆ្នាំសិក្សា២០២២-២០២៣
ក្រសួងអប់រំ យុវជន និងកីឡា សូមជូនដំណឹងដល់សាធារណជនទាំងពីរភេទជ្រាបថា៖ ក្នុងឆ្នាំ២០២២នេះ ក្រសួងនឹងធ្វើការប្រឡងជ្រើសរើសនិស្សិតចំនួន ៥៥នាក់ ឱ្យទទួលអាហារូបករណ៍របស់រដ្ឋាភិបាល នៃសាធារដ្ឋប្រជាមានិតចិន (CSC) ដើម្បីទៅបន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ នៅតាមគ្រឹះស្ថានឧត្តមសិក្សានានា ក្នុងប្រទេសចិនសម្រាប់ឆ្នាំសិក្សា២០២២-២០២៣។ សោហ៊ុយធ្វើដំណើរទៅមក កម្ពុជា-ចិន-កម្ពុជា ជាបន្ទុករបស់សាមីជន ឯការចំណាយផ្សេងៗ ដូចជា៖ ការស្នាក់នៅ ការសិក្សា និងប្រាក់អាហារូបករណ៍ ជាបន្ទុករបស់រដ្ឋាភិបាលចិន។
១. មុខជំនាញសិក្សាមាន៖
វិទ្យាសាស្រ្ត វិស្វកម្ម សេដ្ឋកិច្ច ការគ្រប់គ្រងពាណិជ្ជកម្ម វេជ្ជសាស្ត្រ ព័ត៌មានវិទ្យា។ល។
២. លក្ខខណ្ឌនៃការចុះឈ្មោះជាបេក្ខជន
ក.ថ្នាក់បរិញ្ញាបត្រជាន់ខ្ពស់
បេក្ខជនទាំងពីរភេទត្រូវ៖
ខ. ថ្នាក់បរិញ្ញាបត្រ
បេក្ខជនទាំងពីរភេទត្រូវ៖
៣. កាលបរិច្ឆេទ និងទីកន្លែងទទួលពាក្យ
ពាក្យសុំប្រឡង នឹងចាប់ទទួលពីថ្ងៃផ្សាយដំណឹងនេះ រហូតដល់ថ្ងៃទី២៦ ខែមករា ឆ្នាំ២០២២ វេលាម៉ោង ១៦ ម៉ ០០ នៅការិយាល័យអាហារូបករណ៍ និងកម្មសិក្សានៃនាយកដ្ឋានទំនាក់ទំនងវប្បធម៌ និងអាហារួបករណ៍ ដែលមានអាសយដ្ឋាន៖ អគារលេខ២៣ ផ្លូវ៣៦០ សង្កាត់បឹងកេងកងទី១ ខណ្ឌបឹងកេងកង (ខាងកើតស្ថានីយទូរទស្សន៍អប្សរាចម្ងាយប្រហែល៥០ម៉ែត្រ)។
៤. កាលបរិច្ឆេទនៃការប្រឡង
ថ្ងៃទី០៦ ខែកុម្ភៈ ឆ្នាំ២០២២។ មណ្ឌលប្រឡង នឹងជម្រាបជូននៅពេលក្រោយ។
៥. វិញ្ញាសាប្រឡង
សម្រាប់ថ្នាក់បរិញ្ញាបត្រជាន់ខ្ពស់
សម្រាប់ថ្នាក់បរិញ្ញាបត្រ
៦. សំណុំឯកសារដែលត្រូវបំពេញ និងភ្ជាប់មកជាមួយមាន៖
១. បង្កាន់ដៃទទួលពាក្យ ០១ច្បាប់ “មានគំរូ”
២. ពាក្យសុំអាហារូបករណ៍ ០១ច្បាប់ “មានគំរូ”
៣. ជីវប្រវត្តិសង្ខេប ០១ច្បាប់ “មានគំរូ”
៤. កិច្ចសន្យា ០១ច្បាប់ “មានគំរូ”
៥. រួបថត ៤x៦ “០៤សន្លឹក” (ពណ៌ធម្មជាតិទើបថតថ្មីផ្ទៃខាងក្រោយពណ៌ស)
៦. សញ្ញាបត្របរិញ្ញាបត្រ (ច្បាប់ថតចម្លង ០១ច្បាប់) សម្រាប់ថ្នាក់បរិញ្ញាបត្រជាន់ខ្ពស់
៧. សញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ (ច្បាប់ថតចម្លង ០១ច្បាប់)។ សូមភ្ជាប់សញ្ញាបត្រច្បាប់ដើមមកជាមួយដើម្បីផ្ទៀងផ្ទាត់។
៨. លិខិតបញ្ជាក់ពីការសិក្សាពីគ្រឹះស្ថានសិក្សា ចំពោះនិស្សិតកំពុងសិក្សាតាមគ្រឹះស្ថានឧត្តមសិក្សានានា។
៩. សេចក្ដីបញ្ជាក់ពីអង្គភាព “ចំពោះបេក្ខជន ជាមន្រ្តីរាជការ”
១០. វិញ្ញាបនបត្រពិនិត្យកាយសម្បទា “០២សន្លឹក” បំពេញក្រោយពេលដែលសាមីជនត្រូវបានប្រឡងជ្រើសរើសរួច។
ពត៌មានលម្អិត សូមអញ្ជើញទាក់ទងផ្ទាល់ជាមួយការិយាល័យអាហារូបករណ៍ និងកម្មសិក្សាតាមអាសយដ្ឋានខាងលើ ឬតាមរយៈទូរស័ព្ទលេខ៖ ០៩៨ ៩៨៩ ៧៨៩។
