បណ្ណាល័យជាកន្លែងមួយដែលនិស្សិតអាចស្វែងរកឯកសារនានាពាក់ព័ន្ធនឹងការសិក្សា ជាពិសេស ការសិក្សាស្រាវជ្រាវដើម្បីពង្រឹងសមត្ថភាព ពង្រីកគំនិតអភិវឌ្ឍ ឬនវានុវត្តថ្មី។ បណ្ណាល័យមានឯកសារជា ច្រើនប្រភេទសម្រាប់បំពេញសេចក្តីត្រូវការរបស់និស្សិត។ ឯកសារទាំងអស់ដែលមាននៅក្នុងបណ្ណាល័យ រៀបចំទុកដាក់យ៉ាងមានរបៀបរៀបរយដើម្បីបំពេញសេចក្តីត្រូវការរបស់និស្សិតទៅតាមតម្រូវការ និងភ្ជាប់ ជាមួយសេវាកម្មបណ្ណាល័យជាច្រើនប្រភេទ។ សកម្មភាពសេវាកម្មនៅក្នុងបណ្ណាល័យមានការប្រែប្រួល រីក ចម្រើន និងវិវត្តទៅតាមសម័យកាលដែលបច្ចេកវិទ្យាមានការរីកចម្រើន។ ហេតុនេះនិស្សិតដែលទើបនឹង ចូលសិក្សានៅតាមសាកលវិទ្យាល័យឆ្នាំដំបូងជួបការលំបាក ក្នុងការប្រើប្រាស់សេវាកម្មបណ្ណាល័យ ក្នុង ការស្វែងរកឯកសារដែលមានចំនួនយ៉ាងច្រើន។ អ្នកគ្រប់គ្រងបណ្ណាល័យគប្បីស្វែងយល់ និងដឹងឲ្យបាន ច្បាស់លាស់បញ្ហាប្រឈមទាំងផ្នែកសម្ភារៈ និងទាំងផ្នែកសេវាកម្មនៅក្នុងបណ្ណាល័យ។