ការស្រាវជ្រាវជាលទ្ធផលយ៉ាងសំខាន់មួយនៃការសិក្សានៅថ្នាក់ឧត្តមសិក្សា។ និស្សិតដែលសិក្សានៅ ឆ្នាំបញ្ចប់ភូមិសិក្សា'នីមួយៗ អាស្រ័យទៅតាមជំនាញ៖ មានជំនាញខ្លះតម្រូវឲ្យនិស្សិតថ្នាក់បញ្ចប់ការសិក្សាសរ សេរអត្ថបទស្រាវជ្រាវ ឬ របាយការណ៍ស្រាវជ្រាវគ្រប់គ្នា ជំនាញខ្លះទៀតតម្រូវឲ្យនិស្សិតថ្នាក់បញ្ចប់ការសិក្សាធ្វើ ការជ្រើសរើសការប្រឡងបញ្ចប់ការសិក្សា ឬ ធ្វើការស្រាវជ្រាវសរសេររបាយការណ៍ សារណា ឬ និក្ខេបបទដើម្បី បញ្ចប់ការសិក្សាជំនួសឲ្យការប្រឡងបញ្ចប់ការសិក្សា។
គោលបំណងរបស់អត្ថបទនេះគឺណែនាំនិស្សិត ឬបេក្ខជនដែលត្រូវសរសេរអត្ថបទស្រាវជ្រាវទទួលបាន ផ្លូវគំនិតថ្មីៗទៅកាន់ការងារស្រាវជ្រាវបានឆាប់រហ័ស និងមានប្រសិទ្ធភាពក្នុងការរៀបចំកិច្ចការស្រាវជ្រាវបាន ទាន់ពេលវេលា។
អត្ថប្រយោជន៍នៃការស្រាវជ្រាវ អ្នកសរសេរអត្ថបទស្រាវជ្រាវមានឱកាសបង្ហាញសមត្ថភាពទៅកាន់ទីផ្សារ ពលកម្មទទួលបានចំណេះដឹងថ្មីដែលទាក់ទងនឹងជំនាញដែលបានសិក្សា ព័ត៌មានទីផ្សារ និងផ្សេងៗច្រើនទៀត ជាពិសេសនិស្សិតទទួលបានបទពិសោធន៍ក្នុងការរៀបចំគម្រោងស្រាវជ្រាវអាជីវកម្ម និងសរសេរអត្ថបទរបាយ ការណ៍បានល្អ។